Empresa establecida nas comarcas da Ribeira Sacra e da Ulloa, adicada á realización de servizos funerarios nas localidades de Taboada e Monterroso.

En momentos de sufrimento pola perda dun ser querido poñémonos á súa disposición ó longo dos 365 días do ano durante as 24h. desenvolvendo tódolos trámites necesarios para a inhumación ou incineración, ofrecéndolles tanto os nosos locais como un trato familiar que lles axude a facer máis levadeira a despedida e o proceso do dó.

Contamos con persoal acreditado oficialmente para a realización de prácticas de tanatopraxia (conservación transitoria ou embalsamamento) e tanatoestética.

Levamos a cabo traballos en cemiterios como traslado e redución de restos, arranxos e mantemento de sepulturas, colocación de rótulos en lápidas…

Encargámonos tamén de recoller os encargos de florería, tanto para o velorio como para outros servicios litúrxicos (misas, cabodanos, etc.), e xestionamos o acompañamento musical para o funeral.

Realizamos traslados nacionais e internacionais e prestación de servizos tanto a particulares como a calquera compañía de seguros.